Iqlimga chidamli qishloq xo‘jaligi bo‘yicha Germaniya-O‘zbekiston ekspertlar muloqot dasturi

Germaniya-O‘zbekiston ekspertlar muloqoti dasturi - iqlimga chidamli qishloq xo‘jaligi bo’yicha tajribalar olib borish va ularning natijalari asosida tavsiya va takliflar berishga qaratilgan. Dasturda asosan chorvachilik tizimidagi sut ishlab chiqarishga ixtisoslashlashgan chorva fermer xo’jaliklarida iqlim o’zgarishiga (asosan qurg'oqchilikka va sho'rga) chidamli yem-xashak ekin turlarini sinovdan o'tkazishga, tanlashga, ozuqa sifatini oshirish va ularni sifatini tahlil qilish hamda ayrim ozuqabop ekin turlarining urug’chiligini yo’lga qo’yish masalalariga alohida e'tibor qaratilgan. Biz chorvachilik yo'nalishidagi kichik va o‘rta fermer xo‘jaliklariga chorvachilik sohasida tegishli ilmiy-tadqiqot institutlari bilan hamkorlikda ularga maslahatlar berish, treninglar tashkil etish va ilmiy-amaliy dala tajriba sinovlarini olib borish orqali texnik-amaliy ko'mak ko'rsata olamiz. Bundan tashqari, manfaatdor tomonlar bilan doimiy va yaqin muloqotda bo'lish orqali sohani barqaror rivojlanishi uchun qulay siyosiy sharoitlar yaratish uchun biz o'z fikr-mulohazalarimizni taqdim etsihimiz mumkin.